الإصدار 1.1.8 · لـ Cubase Pro 15 و16

احكي.
وكيوبيس بينفّذ.

تكّة بتوصل مساعدك الذكي، مثل Claude أو ChatGPT، بكيوبيس مباشرة. بتطلب بكلامك، والتراكات والميكسر والبلجنز بيتحرّكوا قدّامك.

1700+أمر من أوامر كيوبيس بتنطلب بالاسم أو بالوصف
112أداة تحكّم مباشر بالمشروع المفتوح
17أداة لباني المشاريع، وكيوبيس مسكّر
8مساعدات ذكية بتربطها بضغطة
شوفها شغّالة

دقيقة وحدة، وبتفهم الفكرة.

مقطع من فيديو الإطلاق: أوامر عادية بالكلام، وكيوبيس بيتحرّك لحاله.

بالصوت، شغّل السماعةلقطات حقيقية من كيوبيس 15 Pro

ليش تكّة؟

وقتك للموسيقى،
مش للقوائم.

كل جلسة بتبدأ بنفس الشغل الممل: تراكات، تسميات، توجيه، فلاتر. تكّة بتعمله عنك، وإنت بتركّز على الصوت.

بدون تكّة عشرات الكبسات

  • تضيف التراكات وحدة وحدة، وتسمّي كل وحدة لحالها
  • تعمل فولدر وقروب، وتوجّه كل تراك للقروب
  • تفتح كل تشانل وتحط لو كت وتظبط البان
  • تدوّر بالقوائم على الأمر اللي نسيت وينه
  • وبعدين تبدأ تشتغل على الموسيقى

مع تكّة جملة وحدة

ضيف ٨ تراكات كورال، وحطّهم بفولدر مع قروب، ولو كت من ١٠٠

  • التراكات انضافت وتسمّت، حتى بالعربي
  • الفولدر والقروب جاهزين والتوجيه مضبوط
  • الفلتر على كل التراكات، والمساعد بيتأكد وبيقلّك شو صار
كيف بتشتغل

ثلاث خطوات، وخلصنا.

  1. ثبّت التطبيق

    مثبّت واحد لويندوز، بيجهّز كل شي لحاله، وبيشتغل بالخلفية جنب الساعة.

  2. اربط مساعدك

    من نافذة التطبيق، بضغطة زر: Claude أو ChatGPT للكمبيوتر أو Gemini أو غيرهم. وبياخد نسخة احتياطية من إعداداتهم قبل.

  3. احكي

    بالعامية أو بالفصحى أو بالإنجليزي. المساعد بيفهم طلبك، وتكّة بتنفّذه بكيوبيس وبتتأكد من النتيجة.


شو بتعمل

كل كيوبيس، بكلامك.

هاي قدرات الإصدار 1.1.8 زي ما انجرّبت على Cubase Pro 15، والأساسي منها انجرّب كمان على Cubase Pro 16. بكل سطر: شو بتحكي، وشو بيصير بكيوبيس.

01

التراكات

Tracks
  • ضيف تراك إنسترومنت اسمه بيانوAudio · Instrument · MIDI · Sampler · Drum · FX · Group · VCA · Folder · Marker · Chord
  • سمّي التراكات بالعربيإعادة تسمية أي تراك، بأي لغة
  • حط الكورال بفولدر مع قروبفولدر، وقروب، والتوجيه مضبوط
  • كرّر تراك الفوكال وطلّعه لفوقتكرار وترتيب التراكات
  • احذف هالتراكاتحذف، بعد ما يتأكد منك
  • لوّن الكورال باللون ٥16 لون، مع حزمة البريسيتات الاختيارية
02

الميكسر

MixConsole
  • الفوكال على −6 ديسيبل بالضبطفوليوم بالديسيبل، وبيقرا القيمة من كيوبيس
  • بان الجيتار L40Pan · Pan Law
  • ميوت الدرامز وسولو البيسMute · Solo · Rec · Monitor
  • لو كت ١٠٠ وهاي كت ١٢ كيلوLow / High Cut · Pre-Gain · Phase
  • قص ٣٠٠ هيرتز ٣ ديسيبلإيكيو القناة بأربع باندات
  • ابعت الكورال للريفيرب −12سندات: تشغيل، مستوى، Pre / Post
  • اعمل VCA للكورالVCA للتراكات اللي بتختارها
  • في شي عم يكلّب؟ميترز وكليب، للتراكات والماستر
03

البلجنز

Plug-ins
  • حط كومبريسر على الفوكالأي بلجن مثبّت عندك، بالاسم، بأي سلوت من 16
  • ثريشولد −18 ورشيو 4:1إعدادات البلجن بأسمائها وقيمها
  • حمّل HALion على تراك البيانوآلات افتراضية على تراكات الإنسترومنت
  • اعمل قناة FX فيها ريفيربقناة FX، والبلجن، والسندات من التراكات
  • افتح نافذة البلجنفتح وتسكير نوافذ البلجنز
04

التشغيل والمشروع

Transport
  • شغّل من مازورة ٢٥Play · Stop · Record · Locate
  • لوب من ٩ لـ ١٧ مع مترونومCycle · Locators · Click · Precount · Punch
  • التمبو ٩٠ والتوقيع ٦/٨تمبو وتوقيع، وتغييرات عند أي مازورة
  • ارجع خطوةUndo · Redo
  • احفظ المشروعSave · Save As
  • نفّذ أي أمر من قائمة كيوبيسأكثر من 1700 أمر، بالاسم أو بالوصف
  • احفظ هالخطوات كماكروسلسلة أوامر بتشغّلها بجملة
05

الميدي والأوديو

MIDI · Audio
  • اكتب Am F C G أربيجيو من مازورة ١نوتات وكوردات لميدي: بلوك، أربيجيو، بلس
  • استورد الملف على تراك جديد بمازورة ٥استيراد أوديو وميدي عند أي مازورة
  • شيل السكتات من الفوكالحذف الصمت، بالعتبة والطول اللي بتحددهم
  • فيد إن وفيد أوتفيدات، وعكس الأوديو
  • صدّر الميكس WAVExport Audio Mixdown
  • اكتبلي درامز وبيس على الكورداتعازفين افتراضيين بيكتبوا ميدي على تراكاتك إضافة
06

باني المشاريع

Builder

بيبنيلك ملف مشروع كيوبيس كامل، وكيوبيس مش شغّال أصلاً. بتفتحه، وبتلاقيه جاهز.

  • جهّز مشروع ٢٤ تراك للكورالتراكات بأسمائها، حتى بالعربي، وبالبان اللي بدك
  • رتّبهم بفولدرات، وكل فولدر إله قروبفولدرات ملوّنة وقروبات، والتوجيه مضبوط
  • ضيف قناتين FX وابعتلهم من القروباتقنوات FX وسندات جاهزة
  • التمبو ٧٥ والتوقيع ٦/٨، وافتحهبيشغّل كيوبيس على الملف مباشرة

في نوافذ بكيوبيس بتحتاج كبسة منك. بهالحالات تكّة بتجهّز كل شي، وبتقلّك بوضوح شو الكبسة المطلوبة بدل ما تخمّن.

لقطات حقيقية

مش رسومات.
هذا كيوبيس فعلاً.

قائمة ما بناه المساعد من أمر واحد: مشروع جديد، آلات Kontakt وGroove Agent، فولدرات وقروبات وتراكات كورال كيوبيس 15 وفيه بلجن UADx Capitol Studios مفتوح على قناة FX، والمحادثة مع المساعد على اليمين مشروع توزيع كامل في كيوبيس، والبلاي هيد على المازورة 25 لقطة شاشة حقيقية
مع مساعدك

اشتغل مع المساعد اللي بتحبه.

تكّة بتحكي لغة MCP، المعيار المفتوح لربط المساعدات بالبرامج. الربط بضغطة زر من التطبيق، مع نسخة احتياطية من إعدادات المساعد.

Claude DesktopClaude CodeChatGPT DesktopCodexGemini CLIAntigravityCursorVS CodeLM Studio

آمنة على شغلك

مشاريعك وإعداداتك
بتضل إلك.

كل شي محلي

التحكم بكيوبيس بيصير على جهازك. ما في رفع لمشاريعك ولا لصوتك لأي مكان.

ما بتلمس إعداداتك

ما بتغيّر إعدادات كيوبيس ولا البريسيتات ولا الـ Key Commands تبعتك. ووقت الإزالة بتشيل كل اللي حطّته.

صريحة معك

بتتأكد من كل تغيير بعد ما تعمله. وإذا شغلة بدها كبسة منك، أو ما زبطت، بتقلّك بوضوح بدل ما تخمّن.

السعر

سعر واحد. بدون اشتراك.

سعر الإطلاق

Takke MCP for Cubase

$49$39

لأول 100 مشترٍ، وبعدها بيرجع السعر $49

دفعة وحدة · بدون رسوم شهرية

  • ترخيص لجهازين، وبتنقله لجهاز جديد من التطبيق
  • 112 أداة تحكم مباشر، وباني المشاريع، وأكثر من 1700 أمر
  • بتتأكد من كل تغيير، وبتقلّك بوضوح شو صار
  • ربط 8 مساعدات بضغطة زر
  • مفتاح الترخيص ورابط التنزيل فوراً بعد الدفع، وعلى إيميلك كمان
اشترِ الآن $49$39

دفع آمن عبر Stripe · بالبطاقة

المتطلبات

ويندوز 11، 64 بتإصدار 25H2 (Build 26200) أو أحدث. ما بيشتغل على ويندوز 10 ولا ماك.
Cubase Pro 15 أو 16مجرّب على Cubase Pro 15.0.30 وPro 16.0.5. نسخ Artist وElements لسا ما انجرّبت.
مساعد ذكي على نفس الكمبيوترمثل Claude Desktop أو Claude Code أو تطبيق ChatGPT للكمبيوتر (Codex). نسخ الويب من ChatGPT وGemini ما بتشتغل. الاشتراك بالمساعد منفصل.
إنترنت للتفعيلأول مرة، وبعدها التطبيق بيجدّد الترخيص لحاله كل فترة.
أسئلة

قبل ما تشتري

شو بالضبط تكّة؟

تطبيق ويندوز صغير بيشتغل بالخلفية، وبيوصّل مساعدك الذكي بكيوبيس. المساعد بيفهم كلامك، وتكّة بتنفّذ بكيوبيس وبتتأكد من النتيجة.

لازم يكون عندي اشتراك بـ Claude أو ChatGPT؟

تكّة بتشتغل مع المساعد اللي عندك على الكمبيوتر، والاشتراك فيه منفصل عن سعر تكّة. أي مساعد بيدعم MCP بيزبط، والتطبيق بيربط 8 منهم بضغطة.

رح تغيّر إعدادات كيوبيس أو البريسيتات تبعتي؟

لا. التثبيت بيضيف تكّة لكيوبيس بس. ما بتعدّل إعداداتك ولا البريسيتات ولا الـ Key Commands، ووقت الإزالة بتشيل كل اللي حطّته.

بتشتغل على ويندوز 10 أو ماك؟

هالإصدار لويندوز 11 (25H2 أو أحدث) بس. المثبّت ما بيشتغل على ويندوز 10، وماك مش مدعوم حالياً.

بتشتغل مع كيوبيس 16؟ ومع Artist أو Elements؟

هالإصدار مجرّب على Cubase Pro 15 وPro 16. نسخ Artist وElements لسا ما انجرّبت، فإذا عندك وحدة منهم استنّى التحديث الجاي قبل ما تشتري.

بتشتغل مع ChatGPT أو Gemini على المتصفح؟

لا. تكّة بتشتغل مع المساعدات المثبّتة على نفس الكمبيوتر، مثل Claude Desktop وClaude Code وتطبيق ChatGPT للكمبيوتر (Codex). نسخ الويب ما بتقدر توصل لكيوبيس اللي على جهازك.

شو يعني سعر الإطلاق؟

أول 100 مشترٍ بياخدوا تكّة بـ $39 بدل $49، بنفس الترخيص بالضبط. بعد أول 100، السعر بيرجع $49.

على كم جهاز بقدر أستخدمها؟

الترخيص لجهازين. إذا غيّرت جهازك، اعمل «إلغاء التفعيل» من التطبيق على الجهاز القديم، وفعّل على الجديد.

بحتاج إنترنت وأنا شغّال؟

التحكم بكيوبيس كله محلي. الإنترنت بس للتفعيل أول مرة، وبعدها التطبيق بيجدّد الترخيص لحاله كل فترة.

في شي ما بتقدر تعمله؟

في نوافذ بكيوبيس بتحتاج كبسة منك، مثل تحميل بريسيت بلجن من MediaBay. بهالحالات تكّة بتجهّز كل شي وبتقلّك بوضوح شو الكبسة المطلوبة.

وبهالإصدار لسا مش متاحين: تعديل النوتات الموجودة (كوانتايز وترانسبوز)، وفصل الستيمز، وتصدير DAWproject وAAF وOMF. وتلوين التراكات بيحتاج حزمة بريسيتات اختيارية بتثبّتها من التطبيق إذا حبّيت.

ويندوز طلّعلي تحذير وقت التثبيت؟

إذا طلعتلك شاشة «Windows protected your PC»، اضغط «More info» وبعدين «Run anyway». هاد تحذير ويندوز العام للبرامج الجديدة، والملف نفسه من موقعنا مباشرة.

تكّة

جرّب تحكي مع كيوبيس.

أول أمر بيغيّر طريقة شغلك. والباقي بيصير عادة.

احصل على تكّة $49$39
تكّة لكيوبيس$39 · دفعة وحدة
اشترِ الآن